استجواب حدس غريب ؟؟؟!!
استجواب سمو رئيس الوزراء فعلا اصبح اضحوكه عند الكل , كل واحد يبي شعبيه يستجوب ناصر المحمد والشي هذا كان من قبل الانتخابات السابقه حتى .. بس الغريب انه حدس اهي اللي تبي تستجوب ؟؟ بنت الحكومه اللي مالها حس وبالغصب تسمع صوتها واللي صار عمرها اكثر من 30 سنه تدللها الحكومه بكل شي .. اهي اللي تبي تستجوب !!
اعتقادي الشخصي والبسيط استجواب حدس الغريب كان مخطط له قبل التشكيل الحكومي الاخير واللي صرحت حدس بعدم الرغبه بوجود من يمثلها بالحكومه , بس لازلت استغرب الاستجواب .. وقعدت افكر وافكر ليش؟؟
استجواب سمو رئيس الوزراء فعلا اصبح اضحوكه عند الكل , كل واحد يبي شعبيه يستجوب ناصر المحمد والشي هذا كان من قبل الانتخابات السابقه حتى .. بس الغريب انه حدس اهي اللي تبي تستجوب ؟؟ بنت الحكومه اللي مالها حس وبالغصب تسمع صوتها واللي صار عمرها اكثر من 30 سنه تدللها الحكومه بكل شي .. اهي اللي تبي تستجوب !!
اعتقادي الشخصي والبسيط استجواب حدس الغريب كان مخطط له قبل التشكيل الحكومي الاخير واللي صرحت حدس بعدم الرغبه بوجود من يمثلها بالحكومه , بس لازلت استغرب الاستجواب .. وقعدت افكر وافكر ليش؟؟
وصلت انه سبب الاستجواب اما باتفاق مع الحكومه لتسهيل الحل اللي كان المفروض يصير باستجواب الثلاثي المرح واللي اعتقد انه تأجل بسبب القمه الاقتصاديه والرغبه بنجاح هذي القمه وبالتالي حدس تستعيد قواعدها على الاقل بمقعد او مقعدين زياده مع وزير بالحكومه اللي راح يترأسها ناصر المحمد مره ثانيه وترد العلاقه المدللة مره ثانيه .. او لظهور جيل جديد شبابي داخل حدس فعلا يرغب باصلاح ما تبقى من مسمى الدوله الحديثه وله نظره شموليه وحزبيه صحيحه بالتعاون مع الكل لمصلحه الدوله على عكس الجيل القديم اللي كان همه الوحيد محاربة التيار الليبرالي فقط والتركيز على اخذ المقاعد القياديه بجميع مؤسسات الدوله ..
بس مهله 6 اسابيع وايد على محاور الكل اصبح يعرفها اساسا لاي جهه راح تستجوب سمو رئيس الوزراء , بس اعتقد المليفي راح يسرق شرف تقديم الاستجواب من حدس بنهاية الاسبوع الا اذا يسحبون جم جنسيه مره ثانيه من اللي مو مشتهيهم الاخ المليفي وبالتالي يطلع مره ثانيه بمؤتمر صحفي داخل القاعه وبيده ورقه ويقعد يقول كلام منمق حلو ماراح تفهم منه شي
عموما ما راح نستبق الأحداث واللي بالجدر يطلعه الملاس واعتقد اغلبية نوابنه الافاضل صاروا ملاليس بجدر الحكومه
تنحي سمو رئيس الوزراء بات واجبا وليس مستحبا حتى ... لمصلحة الديره خلونه نتعاون ونساهم بالحل .. وطبعا قصدي حل المشاكل
نقطه خارج المضوع تكفون بسنا هلا فبراير وقلبي طاير ... ترا اللي نشوفه واللي يسمونه مظاهر احتفال تفشل ..
احتفال عيد نوروز بايران وشم النسيم بمصر واااايد احلى ... اي وقرت عينكم لرجوع البطل المغوار النائب الاصلاحي السباح الماهر المجاهد الحماسي السيد طبطب من غزه ... كنت احاتييه عاد
14 comments:
حدس و لا غيرها .. كل مرة نفس القصة
الديرة واقفة عشان جم واحد و محنا عارفين آخرتها شنو
العملية مش مستهلة
منو يسبق سؤال جوابه صعب وغامض
اتفاق حدس مع الحكومة مستبعد خصوصا في الوقت الحالي
الاسبوع الياي مثير وممتع ويحمل اجابه لمنو يسبق ؟؟
صار مخامط
سيدة التنبيب
خلينه نتفائل بالخير وان شاء الله خير وخوووش حل
ma6goog
انا بأوووول كده برضه
معمعه
والله بالديره هذي ما في شي مسبعد .. ومثل ما قلت راح يكون اسبوع ممتع
فريج سعود
جان زين على شي يسوى ....:)
لو لى مصلحة البلد قلنه ميخالف بس للأسف مصالح شخصيه وحزبيه
ياليت طياره اسرائيليه ماره وقاصفته وفاكتنا من ويهه و مو راد
جان افتكينا من واحد علقل
تدري
مع الجو الحلو
والاعلام ترفرف بكل مكان بالديرة
اهي ذكريات
اهو واقع
اهو تخوف من المستقبل
كله مع نسمات الهوا
جو فبراير غير
من غير هلا مالتهم
:/
أثبت بل أجزم الشيخ ناصر المحمد انه غير قادر على ادارة الحكومة
اذا كان الرئيس بهذا الضعف فماذا يقولون الوزراء
الاعضاء أو الحكومة او كائن من كان
لن نسمح له بالتعدي على الدستور
ونقولها لكل من يعيش على هذه الارض
((الدستور خط أحمر ))
wa6an-alnhar
افا وين الديمقراطيه وحريه الراي الاخر ؟؟
بس تصدقين انا كان ودي بعد
:):):)
zooz"3grbgr"
صدقتي والله :)
fair.chair
يا اخي ملينه من حجي خط احمر
الدستور نعتز فيه شي اكيد بس نوابنه للاسف ما يعترفون فيه
Post a Comment