بالرغم من اعتقادي بشخصانية الاستجواب المقدم لوزير الداخليه بدليل تصريح مسلم البراك انه اذا تحول الاستجواب للدستوريه راح يكون فيه استجواب من الطاحوس واذا هذا بعد تحول راح ييلك الفارس الملثم بورميه باستجواب ثالث .. اشكره فيهم حره ..
المهم كنت اقول على الرغم من الشخصانيه الا انه حق دستوري مشروع لكل نائب بالمجلس وعلى اي وزير انه يكون شجاع ويصعد المنصه ويفند اي استجواب ...
يقينا ادري انه وزير الداخليه عنده الشجاعه الكافيه لصعود المنصه , بس ندري ومتأكدين انه رئيس الوزراء لا يملك هذا الشجاعه على صعود اي وزير تابع لحكومته للمنصه , واتوقع سيناريو مشابه للسنعوسي
طلب للحكومه من رئيسها الى وزير الشؤون اللي ما شفت ضحكته لي الحين .. ياريت تصيرون مثل شخصية كامل الأوصاف اللي يخوف وما يخاف ..
نبارك لجنة الظواهر السلبيه واعضائها الجدد ... رولا .. الدويسان .. جوهر .. هايف .. الحربش
مكس مو طبيعي .. ينشرب حتى بدون ثلج
14 comments:
المحور الأول وحده يكفي
هل تعرف من هو المنتفع من شركة مايكرو سولوشنز؟
عندما تعرف ستدهش. خلها حق جلسة الإستجواب
:)
دستوري
و خل يصعد المنصة
و خل ربعه يتجهزون للصعود, يجب ان نتعامل مع الاستجوابات كحدث يومي عادي و ما توقف البلد عليه
نتمنى يصعد المنصه ويفند محاور الاستجواب بس للاسف مثل ما قلت سيناريو السنعوسي بتكرر
شنو هذا اللي ينشرب بدون ثلج
شكلي بحولك على الظواهر السلبية
ملفات وزارة الداخلية لازم تفتح
ولازم مسؤليها يعرفون انهم من عباد الله الذين يسائلون في الدنيا
وهايف استقال
حلم جميل بوطن أفضل
المحاور بشكل عام كلها حساسه ومادتها دسمه وتكفي للأطاحة ببعير
دايما عندك مفاجآت :):):)
ma6goog
منو ربعه ؟؟؟
معمعه
والله اتمنى يصعد ونشوف استجواب راقي ديمقراطي جميل .. بس بالديره هذي كل شي جميل مات :):)
حتى الرقي
أبو الدستور
ولييييه الحين خليت الموضوع ورحت على اللي ينشرب بدون ثلج ... يبا ردبول مو شي ثاني :):):)
حولني الحين على اللجنه عاد ما عندي مشكله :):):):) برئاسة الدويسان والمقرر رولا .. حلوه صارت اللجنه
فريج سعود
صح كلامك وحتى الدفاع فيها بلاوي اكثر من الداخليه
فريج سعود
اي قرت عينك بس الحين لازم بالجلسه اليايه يسوون انتخابات على الكرسي الأخير .... ويبيله زنيفر يفوز
رولا ...... ولجنة ظواهر سلبية ؟ كلش مو راكبة من قلب
طموحة مملوحه
انا اشوف العكس اللجنه هذي لازم يبيلها مكس علشان يكون تنوع بالقضايا ونشوف وجهات النظر المطروحه
Post a Comment