ما ابي اكتب واطول بموضوع الاستجواب اللي صار لانه لايعة جبدي , عموما اتفق تماما في ما ذكره الزميل العزيز سعود في مدونته فريج سعود من حيث جلسة الاستجواب هي تقسيمت المجلس الحالي الى ان يتم حله او انتهاء مدته
كارثه والله اللي حصل بالجلسه , وطبعا مو قصدي انه الاستجواب كارثه ابدا , استجواب دستوري ومحاوره مهمه 100% من وجهة نظري وان كان اخر محورين فيهم شي من ضعف الادله بس تكفون المحور الاول واضح .. والله واضح .. صفقه سنة 2008 قيمتها تقريبا 5 ملاين ونفس الصفقه تكررت بقيمه 99 الف السنه هذي .. وتعليل الوزير بذلك انه المواد كانت غاليه وضيق الوقت وحجي التنويم هذا
ويطلع علي كاسكو يدافع وبكل شراسه عن شجاعة الوزير باحالة الموضوع للنيابه .. مضحك والله . والاخ الكاسكو يقول انه مسلم البراك داس ببطن الدستور .... كلام مضحك مخجل والله
هل حراميه المال العام دخلوا معقل التيار الوطني ؟؟؟
الاستجواب تكلم عن المال العام وفيه تجاوز واضح وعليه توقيع الوزير , الوزير اعترف بالشي هذا بدليل تحويله للنيابه مع انه هو اللي موقع .. ونواب التيار الوطني ساكتين ؟؟؟
ما تبون تأزيم ؟؟ عيل ليش حاربتوا علي الخليفه ؟؟ ليش تحبون حمد الجوعان ود. عبدالله النيباري وتتفاخرون فيهم وكادوا ان يدفعوا حياتهم ثمن لذلك ؟؟
شي غريب وعجيب والله .... نبي صحوه شوي تكفون بسكم خوف .. الملا .. اسيل .. رولا ... العنجري .. اصحوا شوي
اذا علي كاسكو قال انه الاستجواب نام ببطن الدستور
ترا سكوتكم هذا راح ينام ب... أم الدستور والله
12 comments:
مسلم ابر بقسمه..
نواب الفرعيات وفوا بوعيدهم وتهديدهم
انفتح باب المال العام علي مصراعيه لتسديد فواتير مواقف النواب قبل جلسه طرح الثقه
يعنى عشان نحافظ على 5 ملايين ندفع اضعاف اضعافها من مالنا العام
كان يكفى احاله المحور الاول للنيابه ومتابعه الموضوع بكل حزم من النواب
راحوا الطيبين راحوا رموز التيار الوطني ما ظل الا ........ وعلي الراشد يبا ما راح يحطونك وزير بس عاد اصحا صرت فداوي الناس بكل مكان تحجي فيك
اطلق رصاصة الرحمة
على مايسمى بالتيار الوطني
It is not time for them to wake up, but you .. and all of us who actually banked on so-called liberals to actually do something.
The do-it-yourself motto seems more appropriate these days.
الي يحر قلبي لمن يقولون لك على كلامك هذا انت واقف مع القبايل .. مع الفرعيات صج حجة الضعيف ... مايقدرون يثبتون عكس هالكلام يعني ؟؟ ييبوا لنا ادلة واحنا نعتذر لكم اما سالفة استجواب قبلي وحطوا على القبايل يبون يسوون ثورة يعني ؟؟؟
وعلي كاسكو هذا انرفع عنه القلم من زمان والله متلون بمعنى الكلمة .. مشكلة كان وسطي :(
والله محد اس ببطن الشعب ومقدراته بعض اعضاء الحكومة وربها من النواب من طقة علي الراشد
anonymous 1
احاله للنيابه ؟؟ حجي فاضي
معمعه
مهما يصير لازم يصير لنا دور ما نفقد الامل
ابو الدستور
الرصاصه انطلقت من زمان
anonumous 2
بسنا نوم وبسهم نوم ... اعتقد دورنا ومهمتنه الحين بالتوجيه وعمل لوبي ضغط على المواضيع المهمه ..
طموحه مملوحه
المفروض نشوف مضمون الاستجوابات والقضايا اللي تنطرح
اما الشخص هذا فخلاص .. السالفة واضحه للجميع اعتقد
فريج سعود
الجميع يبون يدوسون ببطن الدستور .. حسافه يا سعود
Post a Comment