حلمت خير اللهم اجعله خير, وكان هذا بقيلولة العصر بين الساعه 4 الى الساعه 6 قبل المغرب .. وبعد مطبق الزبيدي ووراه صحن فاخر من البشمل ووراه قلاص فمتو بااارد وقطعه من كيكة الخباز
المهم حلمت انه وزير الداخليه راح ساحه الاراده وقال سامحوني يا شعب الكويت فعلا انا غلطان بسالفة الخمس ملايين وراح استقيل وبعدها خذه كاميرة ومايكروفونات ساحه الاراده وكسرها جدام الناس
المهم حلمت انه وزير الداخليه راح ساحه الاراده وقال سامحوني يا شعب الكويت فعلا انا غلطان بسالفة الخمس ملايين وراح استقيل وبعدها خذه كاميرة ومايكروفونات ساحه الاراده وكسرها جدام الناس
وانه رئيس مجلس الوزارء تنحى عن منصبه وقال يبا في اللي اصلح مني مو كله انا اصلاحي اصلاحي وعطى هديه لكل مواطن كويتي دهن عود وسياره كلاس خاصه من مصروفاته
ووزير الدفاع صعد المنصه وتكلم وواجه الاستجواب اللي كان مقدمه جمعان الحربش وبورميه ونال ثقه الشارع الكويتي
ووزير الخارجيه صرح بتصريح مفهوم وعرفنه اخيرا السياسه الخارجيه لدولة الكويت
ووزيرة التربيه سكرت جامعات الهشك بشك اللي تعلم دورة طبخ هناك وتييب شهادة دكتوراه وماخافت من النواب وتهديداتهم
ووزير الشؤؤن اخيرا اعترف للشعب شنو علاقة منصبه السابق وكفائته بوزاره الشؤون
واحمد الفهد ومرزوق الغانم يلمون بعض بالمجلس
وصالح الملا تأسف وقال انا غلطت
وعلي الراشد اختفى ... وحنطفيس كبر وصار بلبول اكبر ونزل مكان الراشد
والعنجري فهمنه منه اخيرا شنو يعني الليبراليه الاسلاميه
واسيل تحجبت ... ومعصومه حطت مكياج .. وسلوى استقالت وردت حق بيتها وعيالها
وحلمت بعد بشي حلو غريب انه ست اعضاء كانوا يلعبون كوت ببمر المجلس .. الفريق الأول كان صالح عاشور وعدنان عبدالصمد وهايف .. الفريق الثاني كان الحربش والطبطبائي وعدنان المطوع
حلمت انه سيد القلاف صرح انه سكوب قناة مثيره للفتن ومامنها فايده
حلمت انه الرئاسه عادت للرجال مره ثانيه .. عادت للسعدون ... والخرافي استقال بس ماخذ المطرقه معاه البيت
ومن آخر الاشياء اللي شفتها بالحلم ... تدرون شلون هذي فيها امن دوله
مو قلنه حلم يبا حلم
11 comments:
الحين كل هذيله ماتروح فيها لامن الدولة
بس الاخيرة اي
:)))
قول ياعمي قول
فضفض
حشا موحلم هذي الجنه بكبرها
شوف حلم سياسي ممنوع
وحلم بعيال الحمايل ممنوع
-------------------------
الله يسمع منك ويتحقق الحلم
لوووول
حلم إبليس بالجنة على الأقل فيه ذكريات إنه عاش بالجنة
بس حلمك لا من الماضي ولا من الحاضر
!!!!
الله يسلمك أخوي حلمان إنه داش المجلس وزاف النواب كلهم ومشخط فيهم ومهزئهم وكلهم إستحوا منه
لووول
يقول المرة الياية بيحلم إنه داش مجلس الوزرا ويسوي اللي عليه
أخاف عقب ما زفهم طلعوا من حلمه وزاروك بحلمك؟؟
ما شفت أخوي وهو يزفهم؟
:)
زبيدي ووراه باشاميل ووراه شربت ووراه كيك
مشالله لا اله الا الله
وما تبي تحلم هالحلم بعد
من 4 لي 6 قيلولة ؟؟؟؟
انا قيلولتي نص ساعة :/
والحلم هذا كله من الصحن الـ"فاخر" من البشمل
:)
وحدة من الي ذكرتهم تستحق حلم بروحها
أبو الدستور
شعندنه غير الفضفضه يا عمي :)
t.q8
وليش لا :)
أهل الشرق
شبقه لنا .. يعني على جذي ما يصير نحلم كلش :):) .. قول آمين
Yin مدام
اخوج يحب يتهاوش .. اعتقد لو كان معاي بالحلو جان صج رحنه أمن الدوله :):):)
Eng_Q8
اي والله يا خوي كنت مخفف هاليوم بالذات .. علشان وراي عزيمة عشا
حياتي هدف مو عبث
والله انا عندي القيلوله اكثر من نص ساعه .. وبعدين الحلم اعتقد من الفمتو مو البشمل ::):):)
فريج سعود
لا يكون مال أمن الدوله :):):)
هذي من علامات يوم القيامة
:))))
والله أعلم :)
تحياتي
شكلهم بيعاقبونك و يسجنونك بمطحنة قهوة العميد علشان تتم سهران و ما تحلم
حلم يوبا حلم
Yang
والله اعتقد والله اعلم :)
Enter-Q8
شمعنه بمطحنة العميد بوليد .. اخاف في صفقه تمس المال العام بينك وبينهم بعد :):):)
Post a Comment