الحين ودي افهم منو بالاستجواب هذا يثير الطائفيه ؟؟؟
وخلونا نبتعد عن الطائفيه شوي ونكون عقلانيين السيد الفالي عليه قضيه .. بس ما حكم فيها للحين وله اقامه صاله اعتقد بحسب ما قريت من وسائل الاعلام لنهايه 2011 .. يعني المفروض انه يكون موجود بالكويت للحكم فيه .. والقيد الامني اللي عليه اذا كان ممنوع اصلا من دخول البلاد فعليه التواجد بالمطار لما يشوفون له طياره تروح اي مكان ان شاء الله تروح جزر المالديف بس ما يدش ارض الكويت لانه ما يجوز قانونيا الدخول .. اما اذا مسجل في حقه قضيه فراح يعامل كأي وافد وينطر الحكم النهائي وبس ..
وشدخل رئيس الحكومه بالاستجواب اصلا؟؟؟ ليش مو وزير الداخليه ؟؟ الظاهر تعليمات الاخ ابو القبضه الحديديه صارمه وواضحه للثلاثي .. وعلى طاري الثلاثي ما ادري ليش حاشر نفسه المطير بينهم ؟؟
يعني مو سلفي او محسوب لتيار ديني ؟؟ او يمكن علشان ويه بالنسبه حق طبطب وهفهف يطلع نانسي عجرم ؟؟
يمكن .. مع انه انا مع استجواب ورحيل رئيس الحكومه بس السبب تافه جدا جدا
ويمكن علشان السبب تافه راح يقدمون الاستجواب وينحل المجلس وتصير انتخابات ونشوف هالاشكال مره ثانيه ونكون كالعاده ما استفدنا شي ابدا ...
تعبنا ونقول حرام عليكم اللي تسوونه بالكويت ... تعبنا ونقول خلونا ايد وحده ندير البلد مع الربان العود ونرد ايام العز للكويت ...
بس نوابكم وحكومتكم صمخان .. حلها بوصباح وفكنا .. الديمقراطيه اصبحت طائفيه
18 comments:
مو شفايدة الحل
دامهم بيردون مره ثانيه
اهم بس لو ناطرين شوي
جان لقولهم موضوع اسخف يستجوبون عليه
بس العيله من هايف
رجاء
كن عادل في طرحك و ابتعد عن التحامل على النائب الفاضل محمد المطير
الرجل صاحب مباديء لا يحيد عنها
و هو نائب وطني من الطراز الاول و تاريخه العريق يشهد بذلك
:)
انا هذا المطير اللي مو بالعه؟
مادري شكو رزة الويه ؟؟؟؟
zooz"3grbgr"
يبيله حل غير دستوري سنتين وبعدين الشعب يبدي يستوعب منو ينتخب ونبدي الحياه مره ثانيه
بس قلبي ما يطاوعني ماكو مجلس امه ..
ma6goog
اي اي صح المطير وطني حتى النخاع يا بوسلمى :):):)
yang
ايييييييه والمصيبه ناجح من الدائره الثانيه ... مشكله هالديره
نرفض الحل وليش الخوف خل يصعد المنصة ويفند الاستجواب لانه مواده ماكو اتفه منها
نرفض الحل ملينا من الحل عجلة التنمية واقفة لي متى ؟؟
او يمكن علشان ويه بالنسبه حق طبطب وهفهف يطلع نانسي عجرم ؟؟
ـــــ
بس انه الواحد ينحط لمستوى هابط ويعلق على صلعه الاستاذ احمد الصراف مثلا او يعلق بسخريه وكلام يدل على مستواه الفكري .. فهذا شي ما توقعته ابدا
.....
شنو العذر الجاهز؟؟؟
ومشكور على وضع لنك مدونتي عندك
:)
fair.chair
الكل مل من الوضع والتأزيم والحل ... ابس اصبحنا نحس بواقع مرير واللي هو وجود مجلس الامه قاعد يأخر التنميه
حياتي هدف مو عبث
اذا قصدج انه كلامي في تناقض .. فاللي تطنز على صلعه احمد الصراف كان من باب السخريه .. بس الحين انا لما اقول حق المطير انه ويه مثل نانسي طبعا بالنسبه حق طبطب وهفهف اعتقد هذا راح يكون من باب المديح
:):):)
يعني الحين لما الواحد يشبهج يقولج حلاتج مثل نانسي قمر مو مديح هذا ؟:(:(
وبعدين انا من متابعين المدونه مالتج :):)
بالنسبة لي لأ مو مدح :)))
ــ
انزين كان مدح للمطير
مو ذم للطبطبائي والمطيري؟
أنا ما بسوي نفسي فاهمة وأعلمك
لكن دايما حط أهمية حق اللي يقرأ كلامك
والأخص اللي فكره غير عن فكرك
هذا إن كنت تبي اتوصل شي
:))
لأن السخرية وإن كانت من غير قصد
ماراح تنفع أبداً
أتمنى إنك فهمت علي
وشكرراً على المتابعة .. وأنا كذلك
:))
حياتي هدف مو عبث
اختي العزيزه .. بوستج اللي طاف كنت حاطه صوره لممثلين مصريين :):)
وتحتهم الاغبياء الثلاثه :):)
منو كنتي تقصدين؟؟
عموما لج راي يحترم وانا من اول الناس اللي احترم الآراء بس ما احب التطرف الديني بانواعه واشكاله وما استحمله .. يمكن عيب فيني والمفروض اني اكون مستمع جيد ..
شكرا لج
أقصد تصرفات أو أفعال
لكن أبداً مو شكل أو شيء ما يستطيع
اهوا يتحكم فيه :)
هناك فرق
:))))
عيل ليش تروج للحفل يوم الدستور طالما تؤيد التعليق حسب اخر سطر؟
عزيزي هؤلاء النواب لا يعترفون بالدستور و كما قيل بالفتوى قبل سنين خربوا الى مجلس الأمه لان الدستور كافر !!
حياتي هدف مو عبث
شكرا للفكره ... وصلت
Anonymous
اذا انته فهمت اخر سطر هو تعليق الدستور ومطالتي بذلك .. فيبيلك اعاده من اولى ابتدائي للغه العربيه
machbos
بس عزيزي الى متى الشعب ينجر وراء هالاشكال
لازم يكون في توعيه .. وهني يي دور التجمعات الوطنيه
Post a Comment