قام مراسل مدونة لوطن أجمل بمقابلة بعض النواب السابقين لمجلس الامه المنحل بالدائرة الاولى وكان هذا الحديث
المراسل : استاذ صالح عاشور .. شنو وضعك الانتخابي ؟؟
صالح عاشور : والله انا محتار وقعد ادرس الخيارات الموجوده للتحالف مع مرشحين بالدائره .
المراسل : ولقيت أحد ؟
صالح عاشور : والله لي الحين لا .. جماعه ايران خو اغسل ايدك منهم .. وربع زلزله صاروا مع ربع ايران من بعد سقوط د. يوسف الزلزله .. والحساويه مثل ما انته عارف ربعنه العيم الله يهداهم خونوا فيهم وفشلوني .. ما بقى لي أحد والله
المراسل : الله يعينك .. بس اعتقد انته لو تنزل بروحك هم تطلع الأول اخوي صالح
صالح عاشور : شكرا للاطراء
****************************
المراسل : سيد حسين القلاف صباح الخير سيد وشلون صحتك الحين ؟؟
سيد حسين : الحمدلله بخير
المراسل : سيد انته العضو الوحيد تقريبا اللي كان يطالب بحل المجلس غير دستوري .. سيد راح ترشح نفسك الحين بعد الحل الدستوري؟
سيد حسين : أولا .. انا ما قلت متى ابيه ينحل غير دستوري .. يعني راح انزل ان شاء الله .. وبعدين انا انسان وطني واحب الديره , لا يغرك العمامه اللي حاطها , انا البدوي يعطيني قبل الحضري والسني يحبي اكثر من الشيعي , اصلا اسال كل نواب المجالس اللي طافت اسألهم يحبوني يموتون فيني والله
المراسل : بيييه كليتنه سيد خلاص يبه انزل تكفه
****************************
المراسل : اخ عبدالواحد شلونك ؟؟
عبدو : هلا فيك
المراسل : بعد ما انفضحت بالجرايد على سالفة الورقه اللي كانت بينك وبين وزير الماليه .. وبعد ما اتمسخرت من مسلم
البراك .. راح تنزل ولا راح تستحي وكافي عليك جذي ؟؟
البراك .. راح تنزل ولا راح تستحي وكافي عليك جذي ؟؟عبدو : مممم .. راح استحي
*****************************
المراسل : اخ عبدالله الرومي .. في نيه للنزول ؟؟عبدالله الرومي : والله ما ادري .. انطر الخرافي اذا بينزل , راح انزل .
المراسل : ؟؟ الخرافي بالثانيه وانته بالاولى .. ليش تبي تنطره يعني؟؟
عبدالله الرومي : علشان انافسه على الرئاسه .. كااااااااااااااااااااااااااااااااااااااااااااك
المراسل : والله طلعت نكته اخ عبدالله
اعزائي القراء .. هذا كان لقائي مع عدد من نواب مجلس الأمه السابق ونيتهم لخوض انتخابات مجلس 2009 .. ونأسف لعدم حصولنه على تصريح من النواب سيد عدنان وأحمد لاري لتواجدهم بالسفاره الايرانيه واجتماعات مكثفه لأخذ قرار خوض الانتخابات من عدمه , والدكتور حسن جوهر اللي كان قاعد بالبيت ومو راضي يصرح لأحد وناطر سيد عدنان علشان يشوف موقفه , وعدم حصولنه على تصريح من الاخ مخلد العازمي واللي شوهد متواجد بأحد البنوك لصرف الشيك اياه .. أما حبيبنه بوكندر فكان نايم لحين صدور القرار من السلف الصالح ..
تابعونه بلقاءات قادمه مع نواب ومرشحين الدائره الثانيه ..
11 comments:
اقولك ان سيد عدنان عبدالصمد ودكتور حسن جوهر مو منتظرين شهادة بالوطنية من حضرتك وكلامك عن السفارة الايرانية كلام ممل ومكرر ومستهلك وفقد القدرة على جذب القراء، بس انا ما لومك لانك ماراح تلاقى عليهم شىء يفشل مثل غيرهم لانهم ناس وطنيين ونظاف ، وهذا ولا فيه قصور بالاخ الفاضل صالح عاشور اللي مواقفه تشهد له ، اما السيد القلاف فهو حالة خاصة ويمتع " بكريزما " مميزة ورغم اختلافي معه في مطالبته بالحل غير الدستوري الا انني اتفهم ان تبريراته لهذه المطالبة تستحق الاحترام لانه بالفعل ممارسات نواب العبث في المجلس المنحل مع احتمالية عودتهم من جديد يجعلنا ندور في حلقة مفرغة بعيدا عن الانجاز لذلك طالب السيد القلاف بالحل غير الدستوري لفترة محددة ترتاح منها البلاد والعباد من هؤلاء المؤزمون
ليتنا جميعا نلتزم بالنقد البناء والموضوعية بدلا من الأستهزاء بالناس
عبدالله الرومي : علشان انافسه على الرئاسه .. كااااااااااااااااااااااااااااااااااااااااااااك
===
LOOL
استراحه ممتعة
وكانت أفضل لو كانت على مواقف النواب من بعض القضايا
::::::::::::::::::::
ولاكن لا أعتقد أن للسفارة الايرانية دخل بالانتخابات ومواقف النواب تشهد لهم خصوصا ابان تواجدهم مع التكتل الشعبي
اما عبدالواحد والقلاف...حدث ولاحرج
اتوقع مقارنه بعيده بين النواب و عبدالله الرومي و منافسه الخرافي العيب مو فيكم اب نوابكم كم هم ارخاااص وشراهم الخرافي و ما اتوقع اتقارن صالح و عبدالواحد و باقي الايرانين اب عبداله الرومي
اتوقع مقارنه بعيده بين النواب و عبدالله الرومي و منافسه الخرافي العيب مو فيكم اب نوابكم كم هم ارخاااص وشراهم الخرافي و ما اتوقع اتقارن صالح و عبدالواحد و باقي الايرانين اب عبداله الرومي
ما تقابل شخص بركاني يحللك الدائره الاولى .. شخص نفسي يعني
P;
دير بالك لا تقرب من القلاف ترى سكوب يحطون عليك
ولو اني اختلف معاك في امور وايد لكن كلامك دمه خفيف خاصة الرومي لوووووووول
د حسن جوهر من اكفأ نواب مجلس الامه ومواقفه اغلبها مع التكتل الشعبي للحين مشكلته الوحيده كانت بانضمامه العام مع القائمه ولو ان انضم بالاخير
وهذا رايك بالاخير حتى لو اختلفنا معاه نظل نحترمه
قووووية المقابلات و تعكس الواقع خصوصا القلاف
:)))))))))))))))
حدها عجيبة التدوينة بصراحة ..
والزميل المصور حسني عبد ربه اللي صور ورقة العوضي ترى صاير بعبع للنواب السابقين الكل يدوره هاليومين :)))
Post a Comment