ودي اسال سؤال حق الأشاوس ملوت اللجنه ... هل يعتبر النقاب من الظواهر الدخيله على المجتمع الكويتي ؟؟؟
جموع علماء السنه والشيعه قالوا الحجاب هو الشرع مو النقاب بس زاد بالمجتمع الكويتي النقاب بشكل مخييف وهذا رأيي الخاص بس صج ابي احد يرد على السؤال هل النقاب من الظواهر الدخيله على المجتمع الكويتي ؟؟؟؟؟؟؟
*************************
محمد هايف المطيري لما كان مواطن ماله صلاحيه تشريعيه بالديره طالب بمراقبه الحسينيات وعنده قضايا مع شيوخ وساده شيعه مع انه الحسينيات موجوده في الكويت قبل اكثر من 150 سنه بوااايد .. والحين صار عضو وله صفه رسميه ويشرع قوانيييين بعد ومقرر اللجنه مالت الظواهر .. تهقوون شنو راح يسوي الحين ؟؟؟ هل راح يقدم مشروع رسمي يطلع من اللجنه ويطالب فيه مراقبه الحسينات وعدم الطبخ بيوم عاشوراء وعدم لبس الأسود ويعتبرها من العادات الدخيله ؟؟ وشنو راح يكون الموقف الشيعي اللي وافق على اللجنه هذي ؟؟؟
*************************
بندوه يوم الأثنين اللي اقامها اتحاد طلبه الكويت فرع امريكا ويعطيهم العافيه على الندوه عموما ,, كان ودي اسال سؤال للنائب الفذ جمعان الحربش ... انته نائب فزعه ولا نائب اسلامي ؟؟؟ يعني لو فيه قانون له مصلحه بالتيار الديني المنتي له وفيه تعارض مع قبيلتك .. شنو تختار ؟؟؟؟ الفزعه او الدين ؟؟؟؟ بس اعتقد الجواب معروف للكل
**************************
اللجنه اللي الأخوان يفتخرون بعملها من المجلس السابق كان لها انجازات عظيييمه ترا وهي حظر عمل النساء بعد الساعه 8 مساءا يعني انتهاك لمبدأ المساواه بين الرجل والمرأه .. وانجازاتهم بعد منع الآسيويات من العمل بصالات التسليه .. يقولون منعا لانتشار
الفساد .. منطق والله وانجازات عظيمه
**************************
اللجنه الموجوده قالوا انها تبي تحارب البويات والجنوس والمخدرات والمسكرات بس الغريب انه الأشياء هذي لها عقوبات بوزاره الداخليه اللي اهي تمثل الدور التنفيذي والسلطه والقانون للمجتمع يعني شنو تبون تسوون اكثر قانون وموجود شنو تبون تدرسون بعد؟؟؟ وعلى فكره كلمه ظاهره عباره عن انتشار الشي يعني الأشياء هذيل ظواهر ومنتشره بالمجتمع الكويتي ولازم بكل بيت فيه جنس او بويه او في واحد سكير او واحد راعي حشيش هذي معني كلمه ظاهره يا اخوان تفشي الشي وانتشاره وما اعتقد انه الأشياء هذي اصبحت ظواهر , غطاء الدين والأسلام المزيف اللي تتلحفون فيه اصبح ظاهره ودخييله على المجتمع الكويتي بس راح تنتهي ويعود الزمن الجميل وبس
9 comments:
اللجنة و الدستور و المجلس ما فيهم مشكلة
المشكلة بالاشخاص و الشعب
الداخلية لن تحل مشاكل المجتمع بل ستمنع ظهورها العلني بأحسن الأحوال. مشاكلنا بحاجة لحلول علمية مبنية على أسس موضوعية بعيدة عن السياسية وعن الدين .. اللجنة الدخيلة تعمل خارج اطار تخصصها (البحث والدراسة) ولا تملك الكفاءات القادرة على العمل في التخصص لأنهم مجموعة من السياسيين المتخلفين
افلاس فكري + نواب فاضين = مجلس دايخ
شنو الحل
ليش جذي قاعد يصير ؟؟
kila ma6goog
الدستور والمجلس ما فيهم شي والديمقراطيه نتقبلها بل اشكالها ومهما كانت افرازاتها بس اللجنه فيها مشكله واشخاصها اكبر مشكله
ummel3yal
كلام جميل ومنطقي بس اللجنه مالها اسس علميه اصلا
fair.chair
صح :)
why me
الحل بختيار اعضاء يمثلون الكويت
اشوه ما صار العكس وحضر هايف واعتذر الحربش جان اضطرينا نفصل لنا عقل يدد
فريج سعود
عاد انا قبلها مسوي حسابي ورحت فصلت ... احتياط مو اكثر
تناقضتم تشيب الولدان
الفاضي يعمل قاضي ياوخيي
ماكو شغل وماكو سالفه للاسف
Post a Comment