ماشاء الله ... كل ما أقول بس ما ابي اكتب عن بعض النواب مثل هفهف اخاف يقولون عني ليش حاط عليه ومتحامل وشدعوه ومن هالكلام يفاجئني بطلبات واقتراحات عجيبه للوزراء .. واخرها هجومه على الكليه الأكاديميه الأمنيه التابعه لوزاره الداخليه ومطالبته بتدريس المواد الاسلاميه ونظام الحسبه وطاعه ولي الأمر والشريعه والفقه ومن الأمور هذي .
تكفه يا هفهف ليش ما تطالب ديوان الخدمه المدنيه انه على كل واحد يبي يقدم على الوظيفه الحكوميه لازم يكون دارس فقه وشريعه بعد ؟؟ الكليه الأمنيه اشدخله بالفقه والشريعه ونظام الحسبه ؟؟ ضباط راح يتخرجون برتب مختلفه وعملهم في السلك العسكري ليش يتعلمون ويدرسون فقه وشريعه ؟؟؟ ليييييييش؟؟؟
*******************************************************
وطبعا الأمر ما يخلى لازم بعد يتحفنا الحربش باقتراح عن تخيير المجرم اذا يبي يتعاقب بتعاليم الدين او القوانين المدنيه ..!!!! حبيبي انته والله يعني لو القاضي يسأل حرامي شنو تبي سجن سنتين ولا نقطع ايدك ,, تعتقد يالحربش شنو راح يختار الحرامي ؟؟ يعني انسان مؤمن وصالح وسوي مثل هالحرامي لازم يختار قطع اليد ,, حتى الدين صار عندكم لعب واختيار ؟؟ والله كل ما نعيش بالديره هذي نشوف منكم العجب
**********************************************************
امس رديت من دبي وكان عندي شغل يومين فقط .. كل ما اروح دبي اشوف ديره ثانيه .. غير مع انه روحاتي كل سنه وساعات مرتين او 3 مرات بالسنه .. بس الاقي في تغيير وتطور بالديره هذي .. ما اقول الا حسافه يا كويت وعليج بالعافيه يا دبي
***********************************************************
طبعا الأمر ما يخلى .. اخر ليله هناك رحت سهره بفندق .... وطبعا سهره بريئه كانت .. المهم المطرب العراقي كان يشدو بالأغاني العراقيه الجميله والماجدات العراقيات بسن الربيع يتمايلن جدامي طربا ومغنى .. وانا كنت قاعد والطرب ماخذني بعيد وانفخ بالشيشه الطيبه واتذوق حبيبات العنب الأحمر والرقي البارد مع كأس من الرد بول الصافي بدون اضافات والحمدلله .. تفاجأت واذا بحسناء مغربيه كانت جالسه بالطاوله اللي يمي وكانت جميله جدا .. تسألني ..
الحسناء المغربيه : مساء الخير
أنا : مساء الورد
الحسناء المغربيه : انته كويتي ؟؟
أنا : اي نعم
الحسناء المغربيه : عرفت انك كويتي علطول
أنا : وشلون عرفتي؟؟؟
الحسناء المغربيه : علشان انته برشه نظيف واحلاهم بالصاله
أنا : شكرا عيونج اللي حلوه
طبعا اخر جمله قلتها مع ابتسامه حياء وخجل .. وطبعا صابني غرور شوي وقلت بقلبي يا حلونا يالكويتيين .. والله ملح الخليج احنا وين ما نروح نلفت الأنظار
وطبعا طلعت من السهره الساعه 3 الفجر ورحت فندقي ونمت وثاني يوم رديت الديره علشان انسى الحسناء المغربيه واجابل هفهف وربعه
15 comments:
برشا يقولونها أهل تونس
ويست كلمة مغربية للتصحيح فقط !
ويست = وليست
كمل كمل
شصار بعدين
تفاصيل
قالوا للحرامي اختار قال يالك الفرج
قول التفاصيل حق مطقوق المسكين ناطر مولوده الثاني ومخطط على دبي
:)))
لووووووووووووووووول
جان ظليت بدبي .. مو احسن لك من مجابل هفهف
لوووووول
الله يجبر بخاطرها ماقصرت
ونست ولدنا
بس عاد ستوب
خلته يبتسم بخجل عشتو
بس
اشوة انك رجعت ديرتك
:)
:))))))))))
يا سلالام علييك
الا تقول قالتلك
انته برشه نظيف واحلاهم بالصاله
يا عينى عليهم هالمغربيات
انا اقول لا اتكثر روحات حق هالمكان
تعال اهنى بنات الكويت يقولولك
هالمغربيات يتمنون منوه الكويتى
لوطن اجمللل
حط بالك على نفسك يا اوخييي
;P
anonymous
كلمه برشا يقولونها اهل المغرب ايضا :) ايضا لمعلوماتك :)
kila ma6goog
ما صار شي مطقوق والله بس اذا تحب والمعلومات من فريج سعود يقولون انته على المحك :) تبي نروح الويك اند اللي قبل رمضان
الكويتيه على 45 دينار التذكره خوووش سعر :)
فريج سعود
اي والله صاج عاد انته شوف منو الحراميه اللي عندنه
شرايك تيي دبي ويانا :) اذا مطقوق وافق :)
why me
والله صاجه اهو احلى وااايد من هفهف بس احب الديره هذي وبناتها ملح العالم والله :)
estekana
تصدقين عاد :) اشوه بس صار لي يومين مو نايم ودي اروووح :)
charisma
وين يا حسره بنات الكويت يقولون جذي؟؟
محد قالي والله :):)
يوم رديت الساعة 3
الاذان اربع لو ناطر مصلي ونايم أحسن
:))
sarah
يعني مو لازم ادش بتفاصيل حياتي الدينيه وعبادتي بيني وبين ربي للناس مو شي ضروري الكل يعرف اني اصلي او لا وشكرا
Post a Comment