ما ادري ليش شدتني الصوره هذي وايد ... مع انه العلاقه بين الجلب والقطوه عدائيه جدا مثل ما نعرف .. بس شوفوا الأثنين البرد ذابحهم فلموا بعض علشان يتدفون .... حتى الحيوانات اللي تكن لبعض العداء تتآلف مع بعضها البعض وقت الشده .. واحنا بالكويت هني نتشمت ببعض وحتى الحب صار عمله نادره بالزمن هذا ... غريب امر الأنسان والله ... واترك لكم التعليق
اول مره اشوف واحد يمدح برنامج هو بقدمه ... وطبعا اقصد نبيل العوضي ... ويمدح الشيخ ماله ولي نعمته خليفه بارك الله فيه وحرصه على برنامج السيره النبويه اللي نبيل بقدمه برمضان .. وحرص مدير القناه بارك الله فيه بعد احمد الدوغجي على توفير الأمكانات المتاحه .... يا اخي بالديره هذي اللحيه صارت وسيله للوصول والثراء الفاحش ... خليفه حرامي والدوغجي مخرج احلى فيديو كليبات فيهم بنات ورقص ولبس مو طبيعي بس الحمدلله هم حريصين على برنامج السيره النبويه ... يا سبحان الله.. صج .... الجلب يحب العظمه حتى لو عطيته لحم ....
17 comments:
استهلك نفسه
لم تعد له قيمة حقيقية
الحمدالله والشكر
الغريبه ان خليفه نجح في تجميع كل متناقضات المجتمع الكويتي و حطهم بقالب واحد و هم يضحكون
يعني شلون نبيل يرضى يطلع بقناة فيها برنامج فوضه ولا موضه؟
و غيرها و غيرها من المتناقضات
الظاهر اوفراتهم قوية بقناة الوطن
بزنس يا عزيزي
السلام
نبيل العوضي رغم نجاحه في جذب المشاهدين لحلقات برنامجه اللي عرفت جريدة الحرامية شلون تشتريه من منافسها التقليدي جاسم بودي
الا انه ما يشدني لأنه باختصار شديد "جذاب"
شلون تذكرون لما استضاف حسين الاحمد قبلها كان يقول انه راح يستضيف واحد من ستار اكاديمي وطبعا حسين الاحمد لا شفناه لا في ستار اكاديمي ولا في قندهار اكاديمي يعني باختصار استغل الجذب في جذب الناس وهذه الجذبة الاعلامية حرام لأن الجذب جذب يا نبيل
بعدين كافي انه وراء توريط حسين الاحمد في سالفة افغانستان ويسوي نفسه بريء والمشكلة انه تكلم في السياسة وفي الارهاب وتكلم في الدعارة وتكلم في المخدرات وبكل شي ونسى شي واحد انه ما تكلم بالرياضة بصراحه هذا الي ناقصنا نبيل العوضي يتكلم عن الرياضة!!
ما عليه لازم نتعود ان اللي مثل نبيل راح يزيدون بشاشاتنا لغاية ما يعينون واحد من امثال نبيل يحلق كل مواطن بالكويت!!
تحياتي
kila ma6goog
للأسف صح كلامك ووايد على شاكلته
why me
الحمدلله على كل شي :)
حسام بن ضرار
كلامك صح معاشاتهم قويه وايد ترا ,, بس يعني الواحد يبيع ديرته وافكاره علشان جم بيزه .. هني القهر ترا
كاريكاتير
اذا تبي تتكلم عن الجذب عند نبيل يبيلنا مقاله كامله ترا تتكون من 100 صفحه تقريبا ولازم ننشرها بجريده الوطن بعد ... بس والله كلامك صح
ونورت يا خوي
الشعب الكويتي عنده ازدواجيه كبيره و يعيش حالة نفاق مع نفسه و مع غيره
كلنا ندري ان الكويتيين ثلاثة ارباعهم ما عرفوا الديانه، سوالف تايلند و دبي و البحرين و مسيار و بوق و جذب الخ
و طبعا الحرامي ما يقول عن نفسه حرامي ولا ال.... تقول عن نفسها .... فشي طبيعي كل من بيسوي روحه دين و يمجد هالاشكال و يطالع برامجهم و يسمع خرابيطهم
انا اعرف ناس ينتمون الى تيار الاخوان و من ربع الحربش و الصانع و ليما يسافرون يشوفون الاكل الحلال بس ما ياكلون منه و يروحون ياكلون من اللي مو حلال !! وين الدين ؟ اهم شي ان القناع موجود: اللحيه و الحجاب!!
الجهل والاعتماد على الغير في تقديم المعلومة
وقلة البحث
هذه الامور كلها تؤدي ان يبحث الفرد على اي فكر
او اي منهج مرسوم جاهز من غيرة لكي يسير علية
الشرهه على اللي بقدم البرنامج وراضي
Anonymous
اخي الفاضل , ما في مشكله بالحجاب او اللحيه اذا كان اصحابها يحبون الديره ودينهم لأنفسهم ويكون في احترام للدستور وكل واحد يبي حريه ويجب عليه احترام حريه الأخرين بنفس الوقت
شكرا :)
fair.chair
اذا تقصد البحث الديني فمجاله واسع واللي يبي المعلومه يدور عليها ويبدي وجهة نظره فقط
kuwaitya_7saweya
والله اذا نبي نتشره فخل نتشره على انفسنا اول اللي خلينا النماذج هذي لها سمعه بالديره ونتكلم عنها
وشكرا للمرور
سبحان الله بالصوره
معبره جدا
نبيل العوضى
قلت شعبيته وحتى الى يتابعونه هونوا عنه ومن احد الاسباب قناة الوطن
وبعدين كل مشتط ويصارخ!!!!!
صعب الاندماج فى برنامجه ولا متابعته خمس دقايق على بعض
:/
استغفر الله عنا وعن ذنبه
خريت ما طريت!!!
سأكتفي في الجملة السابقة ولا أريد أن أقل أدبي أكثر من ذلك على أشكال خليفوه ونبّول
انا مستخف
ادعوكم لمطالعة مدونتي "مكان للعبث".
وسأسعد لقراءة تعليقاتكم عليها.
http://makanabath.blogspot.com
مبارك عليك الشهر
ومن عواده ان شاءالله
:)
مبارك عليكم الشهر
:)
charisma
اتمنى كلامج صح وعلى العموم وانتي بخير ومبارك عليج الشهر
معارض
عيل المره الثانيه راح اقول اعزم الله قبل كلمه نبيل العوضي :)
mok
اسمالله عليك من الاستخفاف :)
حمودي
علينا وعليك يارب
Post a Comment