صج لو نسأل اللي بعقولهم مرض .. ويقولون ليش مكبرين موضوع الحجاب وفتوى الاوقاف .. وليش اصحاب العقول الغير اسلاميه والمتحرره واقفه ضد الفتوى وتصريح جمعية النكاح .. عفوا الاصلاح بالاتزام بفتوى الاوقاف .. انتوا ليش داشين مجلس الامه ؟؟
مجلس الامه يتبع قوانيين وضعيه وليست سماويه .. وليس مجلس تشاوري نفس زمن الصحابه وان كان في اختلاف وخلاف بين المسلمين على ذلك الزمن بطريقه الولايه .. والى الآن .. ليش تنزلون بكل شي فيه انتخابات وتاخذون اصوات من نساء غير محجبات ... بكل مكان تدعسون خلقتكم ليش؟؟ انتخابات جمعيه .. جامعه ... بلدي .. امه .. مدام مو معترفين بالدستور ونصوصه .. ليش تدشون بالامور هذي اصلا ؟؟؟ اكيد مو سالفه دين واسلام .. سالفه سياسه ومنصب وعين على ما بعد المنصب من رئاسة دول وهذا طبعا مخطط الاخوان المسلمين وغيرهم من تفاهات الاحزاب السياسيه الدينيه
بس ارجع واقول الشرهه مو عليكم .. الشرهه على رئيس الحكومه اللي ساكت ليلحين .. سموك طال عمرك ساكت كالعاده وما ادري ليش ؟؟ تردي اوضاع الرياضه وصرنه مطقاقه قلنا ميخالف .. ننطر 20 سنه علشان محكر يسمونه بيت باطراف الديره قلنه ميخالف .. مشاريع تنمويه واقفه وعدم وجود خطه واضحه لانفاق الدخل قلنه ميخالف .. راح يحطونه بصندوق الاجيال القادمه بعد ما ياخذون اللي يبونه ... تترأس ست حكومات فاشله خلال 3 سنوات قلنه ميخالف ما عندنا غيرك بالديره .. رحت دول افريقيه وصورت مع رؤساء دول ما نشوفهم الا بتوم وجيري هم قلنا يالله سياسه خارجيه ما نفهم فيها ...بس لما توصل السالفه للدستور والتطاول عليه .. هني اسمحلي طال عمرك .. ما راح نسكت ... اذا انته ساكت .. احنا لا .. هذا دستور الكويت .. هذي حرياتنه اللي عشنه عليها .. وتعلمنه من اهلنه انه نحافظ عليها ونصونها ... ما راح نسكت .. وسموك اذا انته ساكت .. راح تكون اول خطوات الحل .. هي الماده 102 ...
6 comments:
لو البلد بينصلح حالها بعدم لبس الحجاب
بخلي هنديتنا البوذيه تمشي بمايوه
و اذا كان العكس بخليها تلبس نقاب
دين الدوله الاسلام و ايضا الاسلام مصدر التشريع.. ولا نسيتو؟
و العدل يبدئ بتطبيق القانون! و يليت يطبق :)
و استغرب هل الدستور خلق البشر ام رب البشر؟ يليت الناس اتغار على دينه اكثر من اي شيئ ثاني
و لا تسكت لان محد راح يسمع
تحياتي
صح ألسانك
والشرهه على ناخبينهم
اللي لي الحين ما عرفوا
التمصلح باسم الدين
قالو لا لتصويت المراة وهم أكثر ناس استفادو
طلعلنا بو المخ الهايف
بالفتوى
طيب ليش ما طلبها حزة الانتخابات
ولا عشان تشمل الناخبات
دجل
القمنده
شوشرة بالبلد
والابتزاز
كالعادة
بس ها المرة انكشفوا
سؤال للاحزاب الدينية
اذا الحريم تحجبوا وإلبسوا النقاب
والرجال طولوا اللحية وقصروا
الدشاديش
بنوصل القمر ونكتشف الذره
لازم تكتبها بالسوازيلاندي
عشان توصل
:)
تحية لك اخي الكريم
يجب على كل عضو قبل دخوله المجلس
ان يقدم اختبار هل هو فاهم بالدستور أم لا ؟
وليس اختبار قراءة وكتابه
Post a Comment